🚫 اكتشاف مانع الإعلانات

قبل فترة اشتريت منتجات من ماركه lovely , صراحة اني اول مره اشوف هاية الماركة وجان عندي فضول اجرب منتجاتهم ف اختاريت 3 قطع وجربتهم وراح انطيكم رايي بيهم بصراحة راح نبدي من الاحسن الى الاسوء : <article>





* اول قطعة هو محدد شفايف رقمه 1 ايجنن كريمي وتوزيعة سهل ومينشف الشفايف ولونة وردي نيود مناسب للاستعمال اليوم وحتى بالمناسب ممكن تستعملي اذا جنتي مسوية مكياج سموكي وممكن
<a name=\'more\'></a>تستعملي الوحدة او ممكن تستعملي تحت حمرة صراحة مابي اي شي سلبي ويستاهل التجربه.

* ثاني قطعة هي كحلة سودة كريميه, خلي نبدي بالايجابيات سوادها فاحم كريمية وتتوزع بسهولة ومتجرح العين واستعمالة سهل لان مينقط بس تفري يطلع وبي من الجهة الثانية اسفنجة حتة تسوين تموية للكحلة حتة متبين مثل الخط وتنطيج منظر سموكي خفيف , هسة نجي على السلبيات وهي سلبية وحدة ان القلم كولش كريمي يعني باجواء العراق الحارة ممكن تسيح ودمر عيونج ف احسن حل للمشكلة بعد متحطين الكحلة تاخذين الاسفنجة وتحطين بيها شوية شدو بني غامق او اسود وتمشيها على الكحلة حتى تثبت وبعد متسيح .

* القطعة الاخيرة كريم اساس خفيف المفروض اتكون تغطيتة خفيفه وينطي مظهر صحي للبشرة بس بصراحة كل شي ميسوي ولا نقطة تغطية يعني ما اعرف شنو الفائدة من فاونديشن مابي تغطية ؟ كل شي مسوة بالعكس اصلا خرب شكل وجهي يعني الوجة بدونة احلى هذا رايي بصراحة مشفت اي شي ايجابي بي .

</article> https://archive.janatna.com/